بسم الله نبدا
ويارب نختم من غير منضرب
ههههههههههههههههههه
اول يوميات النكد نبدأها مع الحلقه الأولى
الزوج : صباح الخير
الزوجه : صباح الزفت علي دماغك
الزوج : لية بس يابت الناس
الزوجة : الحاجة اللي قولتلك عليها فين
الزوج : طيب حاضر
وترد عليه الزوجة ووشها مكشر
الزوجة: هتجيبها بالتقسيط
الزوج : ما بحبش التقسيط
الزوج: مع مين ؟ أظن هتقوليلى مع أمك و اخواتك
الزوجة: اسمها مامتك
الزوج : حقك على اللى خلفونى
الزوجة : انت بتزعق ليه
الزوج : انا مش بزعق
الزوجة : لا انت بتزعق و الجيران هيسمعونا و الولاد هيصحوا
الزوج : انتى عايزة ايه دلوقتى
الزوجة : الغسالة
الزوج: قلتلك لما يكون معايا تمنها
الزوجة : و انا قلتلك نعمل جمعية مع ماما و اخواتى عشان نجيب الغسالة
الزوج : و اتذل كل شهر عشان ادفع الجمعية فى معادها ..... و امك ما بتصدق تمسك عليا حاجة و تعملى موشح
الزوجة : يعنى انت مش عاجبك أى حاجة
الزوج : لا حول و لا قوة الا بالله
الزوجه : انت شايفنى مجنونة و لا بشد فى شعرى و لا بقطع فى هدومى ؟
الزوج : انتى عايزة مشكلة و خلاص
وترجع الزوجه بدموع التماسيح
الزوجة : انت ما بقيتش بتحبنى
الزوج: دى بقت عيشة تقرف
الزوجة: يعنى خلاص ما بقتش طايقنى
الزوج : أنا مش طايق نفسى
الزوجة : أنا رايحة عند ماما
الزوج: الباب يفوت جمل
ونكلم بعد كدا الجزء التاني
ههههههههههههههههه
وراحت الزوجه عند امها ونزلت بشبشب الحمام
وقطعت الفستان عشان تبين اثار الضرب
وعلى رأي المثال " ضربني وبكا وسبقني واشتكى"
هههههههههه
الزوجه: وااااااااااااء
وااااااااااااء
وااااااااااااء
"باسلوب دموع التماسيح
ام الزوجه : حبيبتي مالك يا ماما
الزوجة: كرشني يا ماما كرشني
ام الزوجه : ليه
الزوجه: بقوله هات الغساله نكد على اللي خلفوني
ام الزوجه : بس يجي وربنا لعضه في ودنه على اخر الزم يبهدل لنا البت كدا
بعد مرور يومين راح الزوج يسترضي زوجته وفي باله انه هي اللي غلطانه ويقولها كلمتين يعقلوها
الزوج :سلام عليكم
ام الزوجه : انت جيت يا وش الاخص
الزوج : :shock: انا وش الاخص
ام الزوجه : بقا عطيناك البت تحافظ عليها تقوم تضربها وتشدها من شعرها وتمسح بيها بلاط الشقه ليه هي معندهاش ناس
الزوج : :shock:
ام الزوجه : كله دا عشات حتت غساله ماشي يا محمد والله لوريك
الزوجه : بتطلع لسانها من خلف امها
الزوج : يعني امشي :sad
ام الزوجه : لا تنزل تجيب احسن غساله في مصر وتعشي مراتك برا البيت وإلا
الزوج : مفيش ولا ايلا حاضر يا حماتي في صوت ضعيف" حكم القوي"
ام الزوجه : بتقول ايه انت انت ليك عين تتكلم
الزوج : مبقولش حاجه انا بقول وحشتيني يا حماتي
الزوجة : طيب كويس .... تعالى ننزل نشوف الغسالة اللى قلتلك عليها
الزوج: هو لازم نجيب الغساله النهاردا
الزوجه : يعنى مش هتجيب الغسالة ؟
الزوج : لا خلاص هجيب ام الغساله وامري لله " صبرني يارب "